حروف الريد .. من كلمات / محمد ابراهيم اسحاق

حروف الريد

كلمات / محمد ابراهم اسحاق

أعبر كيف عن حبك
ولا كلمات مقاس ريدك
فيك وقفت حروف الريد
لا بعدك كلام ينقال
ولا قبلك حروف كانت
انتِ حقيقة فيها خيال
***
منو البقدر عليك يهواك
منو الرسم الجمال الفيك
منو العِرف الحُسُن قبلك
كل السِحر في عينيك
***
بتحداك وبتحدى معاك الكل
لو يقدر بشر واحد
على وصفك
على وصف الجمال الفيك
انت حقيقة فيها خيال
منو الزيك رقيق وملاك
منو المرهف وصافي صفاك
***
زمان يوم قلت أكتب فيك
كتبت كتير
وفيك ما قدرت أوصف شي
محال لو قلت أكتب فيك
أكتب شي
انتي حقيقة فيها خيال
منو الفيهو الحنان دفاق
منو الكل ليهُ تواق
منو الكتبك على الأوراق
حكاية روعة فيها جمال
انتي حقيقة فيها خيال
كفاية أقول عليك حنين
لأنو الحِن في العينين
وفي عينيك أحلى سِحر
***
فيك وقفت حروف الريد
لا بعدك كلام ينقال
ولا قبلك حروف كانت
أعبر كيف عن حبك
و لا كلمات مقاس ريدك

» قلت ليك .. من كلمات : محمد ابراهيم اسحاق
» حقيقتك و الخِداع .. من كلمات / محمد ابراهيم اسحاق
» عُمْر الزمن .. من كلمات : محمد ابراهيم اسحاق
» الحب .. قصيدة من كلمات / محمد ابراهيم اسحاق
» العلم .. قصيدة من كلمات / محمد ابراهيم اسحاق