عدد المساهمات : 88 تاريخ التسجيل : 09/09/2011 العمر : 35 الموقع : السودان - الأبيض
موضوع: فرحي الحنين .. شعر الإثنين سبتمبر 12, 2011 12:04 pm
فرحي الحنين
كلمات / محمد ابراهيم اسحاق أبوبكر
يا ناسية لوحاتي الزمان * الفيها كان قلبي خزف منحوت عليه فرح الكمان * اللحنو كان حُبي النزف يا ناسية لحظات الهيام * الفيها كان زمنِك وَقف وديتي وين فرحي الحنِين * وديتي وين زمن الضُعُف *** أنا تُهت في بحر الغرام * وغصت في عُمْق الصَدَف صدقت لحظات الحنان * وتركت ليك حبل الوُلف أنا كنت قاصِد ليّ هواك * ما كان هواي طريق صُدف أنا كنت قايل فيك أمان * لكن طريقك إنْعرف راحت معاني الرّيد جُواي * ضاعت معايا حرِف حرف *** أنا كنت صدقتو الحنان *ووصلت ليّ درب الأسف أنا كنت قايل فيك أمان * لكن مصيرك إتعرف *** يا ناسية لوحاتي الزمان * الفيها كان قلبي خزف منحوت عليه فرح الكمان * اللحنو كان حُبي النزف أنا تُهت في بحر الغرام * وغطست في عُمْق الصَدَف راحت معاني الرّيد جُواي * ضاعت معايا حرِف حرف أنا كنت قاصِد ليّ هواك * ما كان هواي طريق صُدف