بلدنا ... قصيدة

بلـــدنا
كلمات / محمد ابراهيم اسحاق
في بلدنا الكل بعيد ما بيقترب
لو جو قريب إنتظموا صفاً ما حرِب
كان شافو خيرك يا وطن
يا إنتِ أحلى من الغرِب
كان عِرفو جد إنك وطن
و مافي زولاً يغترب
***
مسحوا الخريطة الأم و فرقوها حِزب حِزب
و بقت خلاص شُلكٌ و شاقَ عربٌ و نُوبَ
شوفو الخِلاف خلا الغريب يدخل ينوم ياكُل يسُب *
خلا الشمالي مع الجنوبي لو شاف عيونه بيلقى رُعْب
***
لو جا جنوبنا مع الشمال و شرقنا مع الغرب
و حكوا الكلام الفيهو حُب
الفيهو حِن و كمان سلام و كل الأدب
كان زَرعوا أرْضك يا وطن عيشاً و رُطْب
* كناية عن حُرية هذا الغريب في بلدنا ..